好多朋友都以為澳門只係一個賭錢的地方，但其實澳門好玩之處係在於佢有好多不同的博物館，雖然主題大部份係以天主教為中心，但看得出，澳門旅遊局知道什麼東西能賺錢。係落船後，最近碼頭的係兩間規模比較細的博物館：澳門大賽車博物館及葡萄酒博物館
對上一次去澳門係13年前，距離上次，13年後再次去到感覺有小小唔同。除左多左鄰近地區遊客外，基本所有旅遊景點都有保安，而且保安仲好有善，同好樂意幫助遊客。呢樣野做得真係唔錯的。
基本我唔係一個賽車迷，不過D車放係館度真係幾靚，去睇下都好。
.
香港人冇理由唔認得呢部的XD
離開大賽車博物館就行去另一景點：樟板堂(玫瑰堂)
13年過去，記憶中係入唔到去，只可以為外面望下。。。今次去到終於可以係入面坐下，對於教堂建築我冇乜認識，但大約都係一個十字型的建築物吧。 
在教堂側面仲有個聖物寶庫，有唔少木像
離開教堂就去左大三巴同行埋個天主教藝術博物館，還好去的時候是星期五，遊客比較少。
而澳門博物館就在大三巴旁，入場費15蚊一個人。行完一圈覺得香港同類的博物館真係比下去。
第二日行程由酒店出發，先去左民政總署先，其實民政總署好細，睇的野唔多的。民政總署對面的郵局係一坐好靚的建築物，有WIDE鏡的朋友可以影下。
之後轉到氹仔行左陣，因為唔識野，搵唔到車去路環，所以大約行程到呢度，之後去左行威尼斯人商場同塔銀河返過去大三巴買手信。買完手信就用澳門最強的運輸系統—「發財車」去返外港碼頭返香港。完結兩日行程。
我唔知我影呢張信啱唔啱，不過成10 幾個人圍一個model真係有點兒那個.........
